„ОБАРИНОВА" ЮШКА
Кед варице галушлки на сухо, окреме з тарганого цеста, вец обаровини, посолєни и густи, можеце вихасновац за юшку яка ше давно варела. До тих уж преварених обаровинох долєє ше дас два деци шметанки и даскельо з тих натарганих галушкох. Є ше посолєна по смаку, а може ше до нєй додац и даєдно вайцо.

ПАРАДИЧОВА ЮХА
Вжац 1 кґ узрети парадичи, очисциц од конарчкох, умиц н кажду парадину преполовиц. Порезац два главки цибулї, додац дакус петрушкового лїсца (або целерового) и шицко положиц до векшого гарчка же би ше варело у дакус води. Кед парадичи уварени, прецадзиц през шитко и охабиц док нє треба хасновац.
У векшим гарчку пририхта ше запражка: зогреє ше варешка масци и дода ше варешку муки, та ше пражи док мука не почервенї; потим ше дода дакус червеней паприґи и долїва ше прецадзени парадичи з нєпреривним мишаньом; посолїц и посладзиц спрам смаку. Юха ше охаби най сциха вре дас 1 годзину. Кед юха готова, виварюю ше галушки або рискаша, резанки або ґомбовци — хто цо люби.

ПАСУЛЬОВА ЮХА
Ферталь литри очисценей и умитей билей пасулї положиц до гарчка най ше вари у води. Потим ше очисци и умиє по 1 корень петрушки, мархви, пастернаку (може и другей желєняви) , та ше зоз 2—3 главками лєм розрезаней цибулї дода до пасулї.
Кед пасуля уварена, теди ше направи запражка з 2 главкох пошеканей цибулї и 1 варешки муки. Кед мука почервенї, налєє ше лїтней води (з нєпреривним мишаньом), а потим ше улєє до юхи. Юха ше теди препасирус, и кед знова превре, заварюю ше галушки.

ПЛЮЦОВА ЮШКА
Потребне: 1/4 кґ целячи або швиньски (прашеци) плюца (била печинка), три дґк масци, 15 дкґ мишаней желєняви,