3 дкґ цибулі, води, солї, попру, веґети, желєна петрушка або пастернак.
Поступок: На масци дакус подинстуєме порезану цибульку, додаме помлєти плюца, попражиме, посолїме и попопруєме, залєєме з воду и динстуеме. Познєйше додаме потарту желєняву. веґету и довариме. На концу попопруєме и додаме желєну петрушку або пастернак.

РАШКОВА ЮХА
Попраж муку на масци на цмо червено, додай ложичку рашки и док тото мишаш, залївай з воду. Преварте прецадз, посоль и єдз зоз сухарами (на коцки порезани на червено осушени хлєб).

РИБОВА ЮХА
Два до три главки цибуї пошеканей як на паприґаш праж на масци; кед почервенєє, попаприґуй и додай главу з риби, лєбо дробну рибу, посоль и праж под покривку. Кед ше риба дакус попражи, посип з муку, попраж и залєй з розводнєну парадичу. Довар и полож окреме уварени резанки.

РИБОВА ЮХА БЕЗ РИБИ
Очисц и умий даскельо кромплї, та их полож до сланей врацей води (кельо уж думаш юхи навариц). Додай такой нашеканей цибулї, даскельо зарна цалого попру и два-три бобково лїсца. Кед ше кромплї уварели, додай запражку (масц, мука, цибуля пошекана и дакус мелкей паприґи). По смаку пооцтуй, а вец тото шицко прецадз (препасируй) през шитко и додай шметанки. Полож на шпоргет най превре. Є ше зоз хлєбом.

РИСКАШОВА ЮХА
Добре очисциц и умиц рискашу. Вжац тельо ложички ризкаши кельо єст особи и положиц най ше вари 1 годзину