ЮХА З МАУНИ
Вжац 20 дкґ мауни (желєней пасулї), одрезац єй конци, добре умиц и порезац на мали фалатки. Положиц мауну до гарчка, наляц 1,5 л води, посолїц и приставиц.
Кед мауна одмегча, порихта ше запражка: очисци ше и пореже 2 главки цибулї и пражи у 1 варешки масци. Кед цибуля одмегча, дода ше варешка муки, 2 струча пошеканого цеску, дакус пошеканого петрушкового лїсца, та ше шицко вєдно пражи. На остатку ше дода дакус червенсй паприґи. Запражка ше, з нєпреривним мишаньом, залєє з лїтну воду, усипе до гарчка з мауну и шицко ше ище дакус вари. Готова юха ше поквашнї, хто зоз чим люби — и кед треба досолї.

ЮХА 303 КАРФИОЛУ І
Меншу главку карфиолу поламац на квецики и сциха умиц же би ше квитки нє отрушели. Пририхтац желєняву як н за говедзинову юху и вєдно зоз карфиолом положиц до гарчка, наляц литру и пол до 2 литри води, посолїц и закрите положиц вариц.
Док ше вари, пририхтац запражку: у шерпенки розпущиц варешку масци, додац 2 главки пошеканей цибулї и пражиц док нє почервенї; потим ше дода варешка муки и, з мишаньом, ище дакус попражи. Кед запражка готова, долєє ше дакус лїтней води, премиша, дода те до юхи, та ше охаби най ище 10 минути вре и вец ше кладзе на стол.

ЮХА ЗОЗ КАРФИОЛУ II
На горуцей живинскей масци попражиме пошекану цибулю, на карички порезану петрушку и мархву, а вец динстуєме. На концу додаме пошеканого петрушкового лїсца. Вец додамена фалатки порезани карфиол и дакус попражиме, залєєме з
воду, посолїме и довариме. Скорей як є готова, до юхи можеме уляц дакус млєка.


ЮХА ЗОЗ КЕЛЕРАБА

Очисциц. умиц и на резанки (або на коцки) порезац :звязку келераба. У гарчку розпущиц 2 варешкии масци, та додац порезани келераб и дакус пошеканого петрушкового лїсца; посолїц, закриц и динстовац на цихим огню. Кед келераб одмегча, посипе ше по нєй 1 варешку муки, та ше ище дакус пражи, а потим ше до нєй улєє лїтней води и добре увари.