ДОДАТКИ ҐУ ЮХОМ


БИСКВИТ КОЦКИ
Зоз 2 бильчкох витрепеме пену, додаме 2 жовчки, кус посолїме, додаме нєполну ложку муки, розмишаме и положиме до помасценей тепши най ше сциха пече. Кед ше охладзи, порежеме на коцки и так вислугуєме: месову юху улеєме до миски и черпаме ю на тоти порезани коцки хтори зме положели каждому до танєра. Єме такой же би ше нє барз розмочели.

ВАРЕНА РИСКАША
Положиц 30 ґрами рискаши до пол литри жимней води и вариц. Кед превре, одляц воду а рискашу премиц и розхладзиц у жимней води. Прецадзиц през дзираву вареху.
До другей судзини одчерпац дас пол литри врацей юшки, усипац рискашу и вариц ище дас пол годзини же би постала мегка. На концу ю додац до уж увареней юшки.

ГАЛУШКИ БЕЗ ВАЙЦА
Потребне: 2 гарсци муки, кус солї и вода.
Поступок: Направи ше цесто з тельо води же би ше го могло розогнац. Потим ше их пореже дас на 1,5 см велькосци и вивари ше их у води. Таки галушки мож класц до капусней юшки, до парадичовей юшки або их мож єсц запражени з капусту.