ГАЛУШКИ ЗАТРЕПАНИ
Потребне: 2 гарсци муки, кус солї, кус попру и води.
Поступок: Усипац до судзини два гарсци муки, кус посолїц. мож и попопровац по смаку и доляц тельо води же би цесто достало таку густосц же би ше з нього могло одщиповац з ложку. Скорей як почнєме одщиповац, ложку ше положи до врацей води же би ше цесто нє лїпело за ложку. Пуща ше єдну по єдну, а таки галушки мож на исти способ пущац до паприґашу, юшки або до юшковитого єдзеня.

ГАЛУШКИ З ОСТРОЖКУ
Потребне: исти состойки як и за цесто за галушочки.
Поступок: Цесто ше розжене як и на галушочки, лєм ше го розтарте на табли реже з острожку же би випадли дакус векши коцочки як на галушочки.

ГАЛУШКИ ТАРГАНИ
Потребне: исти состойки як и за затрепани галушки.
Поступок: Цесто ше загнєце як и за затрепани галушки, лєм ту цесто муши буц твардейше же би ше нє лїпло у пальцох, та ше дода менєй води. Таки галушки хтори зоз загнєценого цеста таргаме можеме класц до запраженей або парадичовей юшки, або правиц на сухо галушки.

ГАЛУШОЧКИ
Потребне: исти состойки як и за резаночки. Поступок: Цесто ше розженє як и за резаночки, лєм кед ше кус осуши, реже ше го на квадратни коцочки.

ҐАҐОРКИ
Ґаґорки то, у ствари, цифроване цесто до юхи. Прави ше подобнє як и цесто за резанки, лєм дакус мегчейше же би ше могло обробиц. Значи: 1 вайцо и пол шкарупини води зоз кус солї загнєсц зоз тельо муки кельо приме. Розогнате цесто по-