резац з ножом на коцки и цо скорей правиц ґаґорки. Прави ше так же ше угел коцки закруци на грубшу иглїцу и цали фалаток цеста ше на ньго окруци, прициснути ґу барду.
За тоту роботу, окрем барда, може послужиц и даяка друга рапава поверхносц.

ҐОМБОВЦИ З МУКИ
Ґомбовци з муки ше правя так исто як и ґрисово ґомбовци, лєм ше место ґрису кладзе мука.

ҐОМБОВЦИ З ПЕЧИНКУ
Єдна варешка масци розпущи ше у малей шерпенї, дода ше главка пошеканей цибулї и пражи ше док нє почервенї, а вец ше дода дакус пошеканого петрушкового лїсца. Знєє ше з огня, дода ше потрушена и од жилкох очисцена уварена печинка, 1 цале вайцо, ложка отрушинки з билого хлеба або жемлїчкох, дакус муки, посолї ше, попопрує спрам смаку. З ложичку ше правя ґомбовци и виварюю у юхи хтора вре.

ҐРИСОВО ГАЛУШКИ З МАСЦУ
Потребне: 1 вайцо, дакус солї, 1 ложка стиднутей масци, 3 ложки ґрису, желєней петрушки або целеру.
Поступок: До глїбокого танєра положиме жовчок, соль, масц и вєдно помишамє на пену. Ґу тому додаме бильчок, ґрис, пошекану желєну петрушку або целер и добре розмшпаме. До одцадзеней врацей юшки кладземе з ложичку галушки и вариме на цихим огню дас 10 минути.

ҐРИСОВО ГАЛУШКИ (КНЕДЛИ)
Потребне: 1 вайцо, 3—4 ложки ґрису и на дробно пошекану желєну петрушку або целер.
Поступок: У полцоровим глїбоким танєру витрепеме бильчкови шнїг з видлїчку, додаме жовчок, ґрис, пошекану желєну петрушку або желєни целер и шицко добре розмишаме и охабиме дакус най стої. Цесто на галушки нєсолїме, бо их за