варюеме до сланеи юшки, а и прето же з нєсланого цеста галушки лєпше навру. Галушки викраваме з малу ложичку котру пред тим замочиме до врацей юшки же би ше на ню нє лїпели. Заварюєме их до прецадзеней врацей юшки. Вариме их прикрити на цихим огню дас дзешец минути.

ҐРИСОВО ҐОМБОВЦИ
У танєру ше добре розмиша ложка масци, дода ше цале вайцо, докус солї и кус-по-кус тельо ґрису кельо треба же би ше створела цалком мегка маса. Мишац дотля док маса нє постане єднака вшадзи и вец ше бере з ложичку зоз тей маси ґомбовци (кнедли), спущую ше до врацей води и варя док нє постаню мегки.

ҐОМБОВЦИ ЗОЗ ПЕЧИНКИ
Два печинки (живински) пошкрабац на дещички, додац дакус солї, веґети, попру, вайцо, попражену цибульку, додац пошекану желєну петрушку. Шицко вєдно змишац и додац отрушини зоз черствого хлєба и дакус муки. Класц до юхи и завариц.

КАПОЧКИ ЗОЗ ЦЕСТА
У гарчичку з язичком за сипанє (як на жохтаре) розтрепе ше цале вайцо, 5—б ложки млєка, дакус солї и тельо муки кельо треба же би маса постала густа як шметанка. Добре ше розтрепе и вец ше през язичок на гарчичку, капка по капка, пуща до врацей юхи.

КОЦОЧКИ ЗА ЮХУ
Охладзи ше 1 шолька говедзинозей юхи. За тот час миша ше у меншей судзини 1 варешку масци, док нє постанє єднака ридка. Вец ше до нєй дода 4 жовчки и далєй ше добре миша, з долїваньом тей охладзеней юхи. Готова мишанїна ше усипе до шерпенки, хтора пред тим намасцена з маслом и посилана з муку, закриє ше и вари на пари. Уварена маса ше