ДАСКЕЛЬО НАДПОМНУЦА КУХАРКОМ


Kостиране барз важне за людски живот. Прето и длужина нашого живота, медзи иншим, завиши и од того же як ше костираме. Скоро половка хоротох при наших людзох пошлїдок иєправилного костираня. Прето кажда ґаздиня треба же би знала же яки єдла треоа готовиц же би єй фамилия була здрава.
Под правилним костираньом подрозумюеме каждодньово хасноване таких поживових артиклох котри у цалосци подмирюю нашо физиолоґийни потреби у поживових и защитних состойкох, зависно од полу, старосци, файти роботох котри окончуеме, климатичних условийох у котрих жиєме, од окремного физиолоґийного стану у котрим ше находзиме итд.
До Групи поживових состойкох спадаю: бильчки, масци и угльово гидрати, а до защитних — минерални солї и витамини. Вше треба мац на розуме же прейґмирне хасноване поживових состойкох, окреме масцох и угльових гидратох, чкодзи нашому здравю. Прето их треба хасновац лем тельо кельо то наисце иотре&не. Подобие и з минералнима солями и витаминами. Недостаточне, або прейґмирне уношене тих состойкох до орґанизма нєминовно лриводзи до нєжаданих пошлїдкох.
Пре шицки тоти причини у тей кнїжки даваме нашим кухарком основни информациї о поживових и защитних состойкох и їх количестве у поживових артиклох котри найчастейше хаснуєме у готовеню єдлох.
При виборе рецептох намагали зме ше помогнуц кухарком же би готовели таки єдла яки одвитую нашей традициї як за костиранє здравих так и за костиране хорих, дзецох або старих. Окреме кед у питаню хори намагали зме ше вибрац єдла при тих хоротох од яких ше у нашим народзе найчастейше хорує. Але, надпоминаме же тоти єдла треба готовиц вше у поради з лїкарами, окреме у поглядзе количествох котри даваме хорим. Бо, не треба забуц же и вельки або мали количества зготовених єдлох негативно вгоїївую на наш здравствени стан.
Водзели зме тиж рахунку и о тим же би у кнїжки преважно були заступени таки рецепти за чийо практичне применьованє найчастейше кажда ґаздиня ма у обисцу шицки потребим еостойки, або их легко може купиц у предавальш або на ішяцу. Мали зме на розуме и тото же уж скоро у каждим обисцу ест еучасни апарати така, билеи техніки, та зме готовеня сдлох з нїма (и у ніх) препоручели. Розуми ше, кед бешеда о сдлох наших старших — нє заоули зме анї на „руски пец", але зме ше старали, препоручиц готовенє тих єдлох и у сучасних условийох.
Нашо рецепти найчастейше дати у количестве котре одвитуе едней штиричленей фамилиї, а у даєдних случайох и за вецей особи понеже тоти едла понукаме госцом. Медзитим, кухарки не будзе чежко зменшац количества предвидзени у нашей кнїжки зрозмирно членом фамилиї за котрих єдло готус.
Добре знац и тото же понукнути рецепти представлю резултат вецейрочного искуства велїх кухаркох або фахових кулинарох. Кед ше их буду дошлїдно притримовац, кухаркипочатніци буду мац ґаранцию же єдла буду добре зготовени. Але, тиж треба знац и тото же кажда искусна кухарка на основи понукнутих рецептох може легко „видумац" и свой, особлїво кед бешеда о рижних присмакох. Нє треба забуц же велї рецепти нєшка популарних єдлох настали пре „гришки" або пре жадане же би ше старому домашньому єдлу дало нови, лєпши смак.