реже на єднаки коцки и склада до судзини, з долїваньом юхи котра була пред тим прецадзена и у хторей єст виварени лєбо заварени галушки.

ЛАБДОЧКИ У МАСЦИ
Загнєце ше цесто як за резанки. Розогнате цесто ше нє суши алє посклада, та з малу фурмочку або погариком за палєнку ше з нього направя мали округли поґачики, хтори ше потим пража у нєвелькей глїбокей шерпенї у масци, док нє почервеня. Лабдочки ше кладу до юхи пред самим єдзеньом.

МЕСОВО ҐОМБОВЧИКИ
Потребне: 8 дкґ вареного меса (целячини або говедзини), 10 дкґ жемлїчки або кифли, 1 вайцо, 1 ложка розпущеней масци або масла, 1 цибуля, солї, попру, желєней петрушки.
Поступок: Месо помелєме, додаме цале вайцо, на коцки порезани жемлїк або кифлу, и на маслу упражену потарту цибульку, пошекану желєну петрушку, соль и попер. Шицко добре помишаме и дас ферталь годзини зохабиме най стої. Вец на табли посипаней з отрушинами правиме мали ґомбовчики, або з малу ложичку викраваме и заварюеме до врацей прецадзенєй юшки.

МЛЄКОВО ГАЛУШКИ
Потребне: 1 вайцо и 1 дл млєка, солї, муки, Поступок: У танєру витрепеме вайцо зоз солю, додаме млєко и тельо муки же би цесто нє було барз тварде. З цеста з малу ложичку викраваме галушки, заварюєме до врацей юшки. Тоти галушки барз смачни у кромпльовей. гращковей, парадичовей и ґулашовей юшки.

МОЗГОВО ҐОМБОВЧИКИ
Потребне: 10 дкґ целячого або швиньского мозґу, 1 стредкя цибуля, попру, солї, желєней петрушки, 1 жовчок, отрушинки (презли), дакус масци.