фалатки порезану печинку, цибулю и желену петрушку. Миксированє тирва 1—2 минути. Масу з миксера вилєєме до глїбокей судзини, додаме розпущену масц, соль, попер и отрушинки, та далєй поступаме так як пред тим наведзене.

РЕЗАНКИ
Потребне: 1 вайцо, кус солї, муки и вода.
Поступок: Розбиц єдно вайцо до танєра, уляц ложку води, кус посолїц и додац тельо муки кельо потребне же би ше цесто могло розогнац на ценко з розвалку. Цесто треба пресушиц и кед осетиме же є полусухе, закруциме го знова на розвалку и прережеме го тельо раз у зависносци яки резанки сцеме длугоки. Таке пререзане цесто складаме єдно на друге и режеме на ценко.

Опатьце видео як ше правя резанки (кликнїце на линк):

РЕЗАНКИ ДОМАШНЇ
Потребне: 1 кґ домашнї резанки, 500 ґ дробного кравского сира, 400 ґ кукурици цукровки, 50 ґ масла, 2 дл шметаяки, соль и попер по смаку.
Поступок: Домашнї резанки увариц, одцадзяц и преляц з розпущеним маслом. Сир розмишац зоз шметанку и варену кукурицу цукровку и преляц на резанки.
Добре премиішац, засмачиц и служиц цепле.

РЕЗАНОЧКИ
Потребне: исти состойки як и за резанки. Поступок: Цесто ше подобно прави як и на резанки, лем же тото цесто мож розогнац и порезац и на машинки за цесто.

ТАРГОНЯ
Потребне: исти состойки як и за цесто на резанки.
Поступок: Загнєце ше цесто як и за резанки, лєм ше муши мерковац же би тото цесто було твардейше як за резанки же би ше не лїпело за пальци або тарло. Трец на тарлє. Таргоню можеме класц до сарми, филованей паприґи, а сушени место рискаши.