РИЖНИ ВАРИВА

 


БЕТЯРСКИ ПАПРИҐАШ
Праж на масци як на паприґаш цибулю, додай парезану очисцену желєну паприґу, порезани узрети парадичи, дакус умитей рискаши и зохаб най ше рискаша увари. Посоль по смаку.

БЕЛАВИ ПАРАДИЧИ
Очисц белаву парадичу, пореж по длужини на ценки фалатки, посоль и зохаб най стої дас 1 годзину. Кажди фалаток замачай до муки, вец до розбитого вайца, а вец до отрушинох и праж у горуцей масци. Є ше зоз даєдну ярину на густо.

БЕЛАВИ ПАРАДИЧИ ФИЛОВАНИ
Два полкилово белави парадичи очисцце од лупи, прережце на поли и виньцє им стредок. Дотля най ше на двох ложкох масци або олєю пражи: пошекана главка цибулї, пол кили млєтого меса, єдна паприґа (може горчейша) порезана на коцочки. До того додайце и стредок з белавих парадичих, порезани на резанки або зомлети, по смаку шицко посольце, добре попопруйце и додайце нашеканого лїсца з петрушки. Кед шицко одмекнє, наполнїце половки белавих парадичох — половку прикрийце з другу и покладзце до судзини у котрей ше можу печиц, найлєпше прикрити. Пред печеньом прелєйце ложку-два олею по верху. Досц печиц три ферталї годзини на температури 250° Целзиюсово.