дотля пражи док нє вивре вода, а вец додай єдно цале вайцо, 3 ложки шметанки, попру и прикрий най ше далєй пражи. Готове знєй и наполнї бундаву, а вец ю наполнєту полож до тепши, полож на ню масци и печ. Упечену пореж на фалатки, залєй зоз петрушкову лебо парадичову мачанку.

БУНДАВКИ ПОЛНЄНИ
Очисциц звонка и зоднука длугоку, узку бундавку (тикву, тиковку). У шерпенки випражиц 2 главки на дробно пошеканей цибулї з 1 варешку масци. Кед цибуля почервенї, знеє ше з огня и усипе до глїбшей, округлей судзини до хторей пред тим положена 1 кила зомлєтого швиньского меса. Месо ше потим посолї и попопрує, дода ше 1 цале вайцо и пол шольки умитей рискаши. Шицко ше добре помиша и зоз тоту мишанїну ше полнї нукашньосц бундавки. У векшей шерпенї розпуши ше 1 варешка масци и у нєй попража 2 главки пошеканей цибулі. Кед цибуля одмекнє, спущи ше до нєй наполнєна бундавка, закриє ше и сциха динстує, з долїваньом лїтней води. Бундавку треба сциха обрацац же би ше динстовала зоз шицких бокох. През тот час ше у меншей шерпенї попражи 2 варешки муки у 1 варешки масци. Кед мука почервенї, дода ше дакус червеней паприґи и налєє уварена и прецадзена парадича; посолї ше, посладзи, добре премиша и усипе ґу бундавки. Шерпеню ше сцагнє на цихи огень же би єдло и далєй варло. Пред єдзеньом бундавку ше прелєє зоз шметанку.

БУНДАВКИ У ПАРАДИЧОХ
Бундавку ше очисци звонка и зоднука и на єднаки коцки ше пореже, а вец ше умиє и у сланей води обари. През тот час випражи ше 1 главка пошеканей цибулї з векшу варешку масци. Кед цибуля почервенї, уруци ше 2 варешки муки и дода ше дакус червеней паприґи, та ше до того улєє уварена и прецадзена парадича. Бундавки ше одцадзи и положи до парадичи. Пред єдзеньом прелєє ше их зоз шметанку.


ВАРЕНИ КЕЛЬ
Умити кель пореж на фалатки и увар у сланей води. Нє прикривай же би кель не страцел желєну фарбу. Окреме увар