у сланей води кромплї. Док ше вари, направ запражку з муки и пошеканого цеску. Кед є упражена, усип до нєй уварени кромплї, вєдно з воду, а вец и одцадзени кель, та довар.

ВАРЕНИ ШПИНАТ
Очисци ше 1 кґ шпинату, з вецей водами ше умиє и вари. Уварени шпинат ше одцадзи од води, а потим ше джами през шитко (пасирує) або барз на дробно пошека. За тот час випражи ше главка пошеканей цибулї з варешку масци. Кед цибуля одмекнє, дода ше єй 2 варешки муки, 4—5 струча пошеканаго цеску, та ше на тоту запражку усипе пошекани шпинат, налєе ше млєка, посолї и закриє — алє зоз опатраньом кеди-нєкеди — ище дакус ше вари.

ВАРИВО З КЕЛЕРАБОВОГО ЛЇСЦА
Потребне: 40 дґ младого келерабового лїсца, солї, попру, води, 3 ложки розпущеней масци, 3 ложки муки, 2 дл квашней шметанки.
Поступок: Младе келерабово лїсце поумиваме, пошекаме на резаночки и положиме вариц до врацей сланей води (нє длуго). Запражиме з запражку котру пририхтаме з масци и муки, залєєме з воду, охабиме преврец и улєєме до резанкох, досолїме, попопруєме и охабиме преврец. На концу долєєме шметанку. Таке вариво сервируєме ґу рижним печеньом, праженим вайцом итд. Келерабово лїсце ма у себе вельо витамини, вецей як помаранчата.

ВАРИВО З КЕЛЕРАБУ
Потребне: 6 келераби, 4 ложки розпущеней масци, звязка желєней петрушки, 1 цибуля, 2 ложки муки, соль, попер и вода.
Поступок: Келераби (мерковац най нє буду стари) очисциме, умиєме, порежеме на резанки, положиме на горуцу масц, потарту цибулю попражиц. Потим посолїме, попопруєме, залєєме з горуцу воду и динстуєме. Под час динстованя долїваме з горуцу воду, бо нє треба зоперац вренє. Кед келерабово резанки мегки, посипеме их з муку и залєєме зоз косцову обаровину и додаме дакус млєтого попру. Вариво нє шме буц барз густе, алє анї нє барз ридке. Кед пририхтуєме желєну петрушку,