добре кед голєм штварцину на дробно пошекаме и помишаме до готового єдла. Тота сирова желєнява ше у горуцим єдлу обари, алє ше у нєй витамини нє знїщи.

ВАРИВО 303 ШАЛАТИ
Потребне: 4 главки шалати, 4 ложки розпущеней масци, З ложки муки, 1 цибуля, 1 дґ цукру, 2 дл квашней шметанки, води, солї, попру, оцту.
Поступок: З масци и муки направиме билу запражку, додаме потарту цибулю и вєдно попражиме. Запражку залєеме зоз жимну воду (дас три деци) и охабиме най превре. На концу додаме умиту шалату пошекану на рецки, посладзиме, посолїме, додаме пошекани копер и вариме док нє одмекне. Пред сервированьом на стол умишаме шметанки и по смаку поквашнїме. Место квашней шметанки можеме доляц сладке млєко. Ґу тому сервируєме на твардо уварени вайца або волово очка.

ГРЕЧЕСКА КАПУСТА
Умиє ше и змелє 70—80 дкґ худого швиньского меса и охаби док ше окреме у шерпенї нє упража 2 главки пошеканей цибулї з 1 вареху масци. Кед цибуля почервенї, дода ше до нєй зомлєте месо, пол шольки умитей рискаши, посолї ше и закрите динстує, а кеди-нєкеди ше долїва води. Кед рискаша одмекнє, знєє ше з огня и охладзи. Потим ше до того розмиша цале вайцо и попопрує. Док ше готує тот фил, обари ше 70—80 дкґ погобльованей квашней капусти. Кед капуста готова, до миски ше кладзе шор увареней и добре одцадзеней капусти, вец шор приготовеного филу; потим заш капуста итд. Кажди шор ше прелєє зоз шметанку. Кед ше миска наполнї, положи ше до рерни най ше запече.

ДЮВЕЧ З МЕСОМ
У векшей шерпенї ше випражи 6—7 главки пошеканей цибулї у 2—3 варешкох масци. Кед цибуля почервенї, уруци ше 4—5 желєни паприґи, порезани на кружки, а вец 15—20 дкґ очисценей, умитей и одцадзеней рискаши. Потим ше посолї и ище якиш час ше пражи. През тот час ше кила швиньского