меса умиє и пореже на єднаки фалатки, та ше посолї. Месу ше дода 4—5 очисцени, умити и на кружки порезани парадичи. Тепша ше намасци з масцу, та ше до нєй усипе видинстована рискаша и вировна ше зоз варешку. По тим ше покладзе фалатки меса и нарезани парадичи. Попирска ше з дакус масци, налєє ше лїтней води и вец ше у рерни пече.

ДЮВЕЧ БЕЗ МЕСА
На 2 ложки масци попражиц 3 главки пошеканей цибулї на червено, вец додац 5 желєни паприґи (порезани на фалатки), 4 нєвельки порезани парадичи и 1 нєполну шольку таргонї (а може место таргонї тиж тельо рискаши). Доляц дакус води и посолїц. Кед є уварени, а кед є квашни, мож поцукровац. Мож єсц зоз печеним месом або з фаширами.

ДЮВЕЧ БОЛГАРСКИ
Потребне: 3/4 кґ швиньского меса, 1 кґ кромплї, 1/2 кґ младей желєней пасулї (мауни), 3 желєни паприґи, 3 парадичи, звязка желєней петрушки, 1 белава парадича, соль, 2 цибулї, 6 ложки олєю, води.
Поступок: До шерпенї улєєме о лєй и на нїм попражиме на дробно порезану цибулю, умите и помлєте месо. О кратки час додаме порезани парадичи, пасулю, белаву парадичу, кромплї порезани на коцки, пошекану желєну петрушку и соль. Шицко вєдно єден час динстуєме, а потим залєєме зоз шольку води и положиме до рерни запечиц на червено.

ЖЕЛЄНА ПАСУЛЯ
Попраж на масци дробно пошекану цибулю, цеснок и петрушково лїсце, и додай дакус червеней паприґи. Желєну пасулю очисц и пореж на фалатки, а вец додай там и праж под покривку дотля, док пасуля нє змегча и єй вода нє вивре. Тераз посип з муку и праж одкрито. Кед ше мука лапа за шерпеню, залєй з воду лєбо зоз кислим млєком, лєбо зоз серватку. Посоль и поквашнї по смаку, а пред ношеньом на стол додай дакус шметанки.