ЖЕЛЄНИ ГРАЩОК І
Попраж на масци на дробно пошекану цибулю и петрушково лїсце, додай очисцени и умити желєни гращок и праж под покривку доґод гращок нє постане мегки, а його вода док ше нє випражи. Вец посип з муку и праж одкрито. Кед ше мука уж лапа на шерпеню, залєй з воду тельо же би було густе док превре. Соль по смаку.

ЖЕЛЄНИ ГРАЩОК II
Єдна варешка масци зогреє ше у шерпенї, та ше у ней попража 2—3 коцки цукру, потим ше дода 1 л нащиканого, умигого гращку. Шицко ше помиша, закриє и динстує док гращок нє одмекнє. Теди ше запражи з 1 варешку муки, дакус ше попражи и налєє лїтней води. Посолї ше и посладзи по смаку.

ЗАПЕЧЕНИ КАРФИОЛ
Цалу главку карфиолу обарце у сланей води у котрей кус цукру и як орех масла. Дотля най ше на маслу, олєю або масци попражи кус цибульки на котру ше дода 0,5 кили млєтого меса (найлєпше пола целячого, пола швиньского). Ґу концу додайце на дробно нашеканого петрушкового лїсца. Солїц и попровац по смаку. Окреме уварце шольку рискаши у млєку, до полуохладзеней додайце цале вайцо, змишайце шицко з месом и добре вимишане покладзце на половку розрезаного карфиолу у судзини у котрей мож єдло винєсц на стол. Тот фил з месом ше прекриє з другу половку карфиолу и прелєє з вимишаним фалатком масла у котрим дас 2—3 ложки шметанки и гарсцочка презлох. Досц запечиц у рерни дас ферталь годзини на 200 ступнї.

КАПУСТА КВАШНА
Килу квашней капусти положиц до гарчка, наляц з воду, додац єй 2—3 главки на дробно пошеканей цибулї и положиц най ше вари. Кед капуста одмекнє, направиц таку запражку: у векшей шерпенї випражиц 5—б главки пошеканей цибулї, а кед вона почервенї, додац єй 2—3 варешки муки, а дакус поз-