нєйше кущичко червеней паприґи. На готову запражку усипе ше уварена квашна капуста, премиша, по потреби посолї и охаби ше ище даяки час най сциха вре. Пред єдзеньом прелєє ше зоз шметанку.

КАПУСТА СЛАДКА
Главку капусти очисциме од верхнїх лїсцох и порежеме ю, додаме ґу нєй дас 2 порезани кромплї и положиме вариц до сланей води. Кед капуста мегка, направиме запражку: варешку масци и 1 пошекану цибулю пражиме. Кед цибуля мегка, додаме 2 варешки муки най ше дакус попража. Вец положимe 3 струча потлученого цеску, кеди-нєкеди премишаме и вец усипеме запражку до увареней капусти. Кед добре превре, умишаме дакус мелкого попру. Єме ю зоз фаширом або даяким иншаким печеним (праженим) месом.

КАРФИОЛ
Пореж карфиол на векши фалатки, очисц и увар у сланей води. Одцадз, охладз, мачай до вайца, вец до презлох (сухих отрушинох), цо су з муку розмишани и праж у горуцей масци. Добре кед ше полєє попражене зоз шметанку и положи до рерни же би ше препекло. Є ше зоз пире-кромллями лєбо з даєдну ярину на густо.

КЕЛЕРАБ І
Попраж на масци лєм пошекане петрушково лїсце и додай очисцени и на резанки порезани келераб. Праж под покривку док келераб нє змегча, а вода нє вивре. Посип з муку и праж одкрито. Кед ше лапа за шерпеню, залєй з воду и довар. Посоль по смаку.

КЕЛЕРАБ П
На масци попраж на резанки порезани келераб. Праж прикрито док келераб нє одмегча и док вода нє вивре. Посип