з муку и праж док мука нє почервенї. Залєй вец з воду, посоль по смаку, а хто люби — може поцукровац и додац на дробно пошекапе петрушково лїсце.

КЕЛЕРАБ З РИСКАШУ
Очисц келераб и потри го на тарлц. Додай рискаши дас цдну трецину, кельо маш натарто келерабу, полож до шерпенї, залєй з воду и вар. Кед ше тото уварело, подбий з муку и шметанку (або з млеком), довар, оквашнї и посоль по смаку.

КЕЛЬ
Умий дас два главки келю, пореж и полож вариц до врацей сланей води (покривку нє кладз най кель останє желени). Кед превре, одцадз го, а дотля очисц кромплї (2—3 векши фалати), пореж и полож до врацей сланей води вариц. Направ запражку з масци, муки и пошеканого цеску. На тоту запражку висип уварени кромплї з воду, а на кромплї висип одцадзени кель и сциха довар.

КРОМПЛЇ НА СЛАДКО
Очисц кромплї, пореж на коцки и увар у сланей води. Уварени подав у тей води и направ запражку (масц, мука и пошекане петрушково лїсце), додай ю до кромпльох и довар. Пред ношеньом на стол додай дакус шметанки.

ЛОЗОВО САРМОЧКИ
Потребне: 1/2 кґ целячого меса зоз сцегна, 15 дкґ рискаши, 1 менша цибуля, 5 ложки розпущеней масци, соль, вайцо, литра и пол серватки, 2 ложки муки, попер, дакус цукру, 1—2 дл шметанки, води, 40 нєшприцовани лозово лїсца.
Поступок: Умити лозово лїсца поукладаме до судзини, залєєме з врацу слану воду и охабиме их у нєй док нє одмегчаю. За тот час зомелєме месо, додаме на поли уварену рискашу, соль, попер, вайцо и цибулю котру зме пред тим попражели