на двох ложкох масци на червенкаво. Шицко тото добре роз-мишаме и правиме сармочки котри складаме до векшей шерпенї, залєєме зоз серватку и посолїме. Шицко вєдно охабиме врец дас пол годзини. Вец направиме з трох ложкох розпущеней масци и 2 ложкох муки червену запражку до котрей додамо умити пошекани копер, дакус цукру, залєєме зоз жимну воду и улєєме на сармочки. Же би ше запражка ровномирно розми-шала, поокруцаме судзину у котрей ше варела. На концу додаме 1—2 дл шметанки.

МАРХВА
Пошекану цибулю попраж на масци. Додай очисцену и на резачки нарезану мархву и праж прикрите док мархва нє одмегча и вода нє вивре. Вец посип з муку и праж одкрите. Кед ше мука почне лапац на шерпеню, залєй з воду, посоль по смаку и — кед сцеш — поцукруй и додай петрушкового лїсца.

МАУНА І
Умиє ше 1 кґ мауни, очисци и пореже. У шерпенї ше розпуши 1 варешка масци, та ше у нєй пража 2—3 главки пошеканей цибулї. Кед цибуля одмекнє, усипе ше одцадзека мауна, закриє и динстує, а долїва ше до нєй лїтна вода, док нє одмекнє.
През тот час ше у шерпенї зогреє 1 варешка масци и пражи з 2—3 главками пошеканей цибулї. Кед цибуля почервенї, дода ше 2 варешки муки, 3—4 струча пошеканого цеску и дакус червеней паприґи. Кед запражка готова, налєє ше дакус лїтней води и шицко усипе до мауни. Поквашнї ше и посолї по смаку, та ше охаби най ище даяки час вре. Пред єдзеньом прелєє ше зоз шметанку.

МАУНА II
Попраж на масци пошекану цибулю и цеснок. Дакус додай червеней паприґи. Желєну пасулю (мауну) очисц, пореж на фалатки и праж прикрите зоз покривку, док мауна нє одмекнє и вода нє вивре. Вец посип з муку и праж док нє пожовкнє. Залєй з воду лєбо з кислим млєком, а добра и серватка, посоль,