поквашнї по смаку. Кед ше усипе до миски, може на верх по-сипац дакус шметанки.

МИШАНЕ ВАРИВО ЗОЗ ЖЕЛЄНЯВИ
Потребне: 20 дкґ мархви, 20 дкґ целеру, 20 дкґ гращку, 5 ложки розпущеней масци, 1 ложка цукру, 2 дл юшки, косцовей обаровини або води, 2 ложки муки, соль.
Поступок: Мархву и целер очисциме, порежеме на резанки и положиме до сланей води вариц вєдно з гращком. Желєняву вариме на моцним огню док нє одмекнє. Потим у шерпенї зогре-єме масц, посипеме зоз тлученим цукром; додаме вицадзену же-лєняву, на кратко подинстуєме, посипеме з муку, залеєме з юшку у котрей ше варела, або зоз косцову обаровину, довариме и по смаку посолїме.

ПАСУЛЯ БИЛА
Очисци ше и умиє пол литри билей пасулї, налєє з воду и положи ше вариц. Кед пасуля наполи омегча, такой доляц ище чистей води. До пасулї ше положа 3—4 главки цибулї (а добре положиц и пар фалатки сланїни), та ше вари док пасуля цалком нє одмекнє.
Запражка на пасулю прави ше так: у векшей шерпенї розпуща ше 2 варешки масци и дода 4—5 главки пошеканей цибулї. Кед цибуля почервенї, дода ше 3 варешки муки, препражи ше шицко, та ше варена пасуля усипе на запражку. Шицко ше премиша, посолї и далєй вари на цихим огню.

ПАСУЛЯ З ПОДБИВКУ
За строгих диєталцох пасуля з подбивку, котра ше дакеди варела на вельки пост, була би така:
Гарсц пасулї ше добре пребере и премиє, положи до сланей води котрей єст 3—4 раз вецей як пасулї и доложи ше желєняви до нєй: мархва, петрушка, цибуля. Кед шицко готове (желєнява ше додава познєйше кед же пасуля нє намакана), направи ше подбивка з варешки муки розтрепаней у кус води. Же би пасуля з подбивку мала фарбу, дода ше кус мелкей паприґи и парадичанки. Иншак, пасуля смачна и зоз запражку на олєю.