САРМА У ЛОЗОВИМ ЛЇСЦУ
Лїсце з виновей лози ше очисци од конарчкох, добре умиє, посклада до глїбокей судзини и прелєє з врацу воду, поквашнєту (1 часц есенцу на 2 часци води). Судзина закрита док ше вода нє охладзи, Вецка ше до того лїсца закруца мали сарми зоз филом як за полнєни бундавки), шорує ше их єдну ґу другей до векшей шерпенї, прелєє з лїтну воду и положи ше вариц. През тог час ше порихта таку запражку: попражи ше варешку масци з 2 главками пошеканей цибулї, та кед цибуля почервенї, дода ше 2 варешки муки, а по смаку може дакус и иншакей пахнячки або желєняви. Кед запражка готова, налєє ше дакус лїтней води, шицко ше помиша и усипе на сарму; посолї ше по смаку и охаби най ище дакус вре; з тоту сарму може давац и кисле млєко.

САРМА У СЛАДКЕИ КАПУСТИ
За 6 особи бере ше векша главка капусти. Капуста ше очисци од спретих лїсцох, винє ше грублє, а капуста ше положи до векшей глїбокей судзини так же би єй виглїбени бок бул горе; прелєє ше з горуцу воду, закриє и охаби най постої 15 минути. Вец ше вода одлєє, а капуста ше зиова прелєє з горуцу воду и знова ше охаби най постої ище 15 минути. Кед ше одлєє и друга вода, капуста ше роздзелї на лїсца, а з нїх ше повирезує грубши жили. Векши лїсца теба пререзац на поли. До лїіцох ше закруца фил як за сарму у квашней капусти. Закруцени сарми ше посклада до шерпенки, налєє з лїтну воду и пристави. Вода ма цалком закриц сарму. Кед сарма скоро уварена, рихта ше запражка: у 1 варешки масци пражи ше 1 главка пошеканей цибулї. Кед цубуля одмекнє, попражи ше у нєй 2 варешки муки, док мука нє почервенї. Вец ше до нєй положи пол ложки червеней паприґи, залєє зоз прецадзену, уварену парадичу, премиша ше и усипе до шерпенї дзе ше вари сарма. Єдло ше посолї и посладзи по смаку, закриє ше и ище даяки час ше вари. Сарми ше пошарує до миски, прелєє з юшку, а од горе ше насипе дакус шметанки.

СЕКЕЛЇ ҐУЛАШ
Кила швиньского меса зоз шунки ше умиє и пореже на мали фалатки. У векшей шерпенї ше розпущи 2 варешки масци и дода ше 5—б главки на фалатки порезаней паприґи, та ше