такой на тото усипе порузане месо. Премиша ше, посолї и закрите динстує док месо нє одмекнє, а потим ше далєй динстує, а кеди-нєкеди ше долїва вода. Кед капуста одмекнє, дода ше деца шметанки и ище дакус ше вари.

ФРАНЦУЗКИ КРОМПЛЇ
Очисц и пореж на колєчка 3—4 на твардо уварени вайца. Увар килу кромплї на лупу, очисц и пореж на ценки колєчка. Шерпенку помасц з масцу и полож до нєй 1 шор кромплї, та посоль, а на нїх 1 шор посоленії и порезани вайца, вец дакус масци и шметанки; вец заш шор кромплї и вайца — так шором и най кромплї буду на верху. На нїх заш дакус масци и вец залєй зоз шметанку, та най ше у рерни пече.
З нїма добре єсц даяку шалату лєбо варени огурки.

ШЕРЦО НА ШМЕТАНКИ
Потребне: 50 дкґ шерца, 3 ложки розпущеней масци, 1 цибуля, 3 ложки муки, дакус цукру, 2 дл квашней шметанки, води, солї, ловоров лїсток, 5 зарна цалого попру, оцту.
Поступок: Умите шерцо увариме у сланей води зоз цалим попром и ловоровим лїстком. Кед є мегке, винєме го, порежеме на шницлочки або менши фалатки. У шерпенї упражиме на масци цибулю, додаме порезане шерцо, залєєме зоз подбивку зоз квашней шметанки и муки и увариме. По смаку поквашнїме, посолїме и поцукруєме. Кед нам мачанка густа, розридзиме ю з воду у котрей ше варело шерцо.

ШПИНАТ
Очисц шпинатово лїсце од жилох, умий у даскельо водох же би на нїм нє остало писку, увар го у сланей води, одцадз, Висцискай и пошекай. Направ запражку (масц, мука, цеснок), а вец до нєй додай уварени и пошекани шпинат. Помишай и залєй з млєком.